नेपालगन्ज, १४ बैशाख – नेपालगन्ज उपमहानगरपालिका वडा नं. ६ को समाजसेवी कर्मठ लोकप्रिय वडाअध्यक्ष समिरप्रताप सिंहले पुनः वडाअध्यक्ष पदमा उम्मेदवारी मनोनयन दर्ता सँगै घरदैलो जारी गरेका छन् ।
वडाका विभिन्न तह र तप्कामा रहेका भद्रभलादमीहरुसित छलफल, बैठक जारी रहेको स्रोतद्वारा जानकारी गराईएको छ ।
विगत ५ वर्ष भित्र धेरै कार्यहरु नेपालगन्ज उपमहानगरपालिका वडा नं. ६ मा गरिएको भएतापनि देखिने गरी कुनै काम नभएको सोही कार्यलाई अगाडी बढाउँदै अब आउने ५ वर्षमा नमूनाको रुपमा देखिने गरी तथा सबैलाई वडामा चर्चा हुने गरी कार्य गर्न यसपटक मेरो उम्मेदवारी भएको अध्यक्ष पदका उम्मेदवारी सिंहको भनाई रहेको छ ।
फुलमाला तथा अबिरले घरदैलो गर्दा मतदाताहरुले स्वागत गर्ने गरेको उनी बताउँछन् । यस पटक पनि आम सर्वसाधारण वडाबासीहरुले माया गरी मौका दिएको अवस्थामा विगतका दिनमा भए गरेका गल्तीलाई समेत सुधार गरी सबै वडाबासीहरुको मन जित्न सक्ने सिंहको भनाई रहेको छ ।
